" تطعيم الانفلونزا الموسمية " ( حقنة البرد)؟❄️☃️
هي فين الحقنة يا دكتور ؟
- يا دكتور أنا السنة اللي فاتت عطيت لابني حقنة البرد رغم كده طول الشتاء البرد ما سابهوش😬😬 ... هي كانت مضروبة و الا ايه يا دكتور؟ 🙄مش هي المفروض بتمنع البرد أو حتى تقلل معدل حدوثه؟😏
تطعيم الانفلونزا الموسمية من التطعيمات اللي بينصح بيها للاطفال من عمر 6 أشهر ... يتم اعطاءها في فصل الشتاء للوقاية من ميكروب الانفلونزا فقط .... علشان نبقى فاهمين كويس .. عدد الميكروبات اللي بتسبب نزلات برد عند الاطفال كتيير جدا .. مئات الميكروبات ... الطبيعي ان الطفل يصاب مرات متعددة بنزلة البرد ممكن توصل مرة كل شهر خاصة خلال فصل الشتاء ...
- و على كده يا دكتور التطعيم ده بيحمي من الميكروبات دي كلها؟🤔
لا طبعا ... صعب جدا نعمل تطعيم ضد الميكروبات دي كلها .. خاصةً ان معظمها بسيط و بيسبب أعراض خفيفة ... لكن التطعيم ده بيحمي من ميكروب واحد فقط .. اسمه ميكروب الانفلونزا ... و الحقيقة هو ميكروب شديد سريع الانتشار .. ممكن يسبب أعراض التهاب رئوي شديد ... خاصة في فئات عمرية معينة زي الاطفال اقل من 5 سنوات و الحوامل و مرضي الربو الشعبي و حساسية الصدر و أصحاب الأمراض المزمنة.
- يعني أديله الحقنة والا لا يادكتور ... حيرتني؟🤨🤔
لا طبعا نديله التطعيم ... الحقيقة بينصح بيه لكل الاطفال اكتر من 6 شهور ... بس نبقى عارفين كويس أنه مش هيمنع نزلات البرد العادية المتكررة لكن هيحمي الطفل من ميكروب الانفلونزا الموسمي.
- طيب هي فين الحقنة يا دكتور ؟🤨
التطعيم السنة دي لم يتوفر بالاسواق .. حتى الان .. لادعاء الشركة المصنعة تطويرالابرة .. 🤨🤔
دمتم بصحة و عافية🙂
د / أحمد حسين
أخصائي الأطفال وحديثي الولادة
مجمع عالم الطب فرع التعاون
نتميز نحن مجمع عيادات عالم الطب بوجود مجموعه من الاطباء المتميزين في جميع التخصصات الطبيه